به‌ڕێوه‌به‌رایه‌تی پۆلیسی گه‌رمیان ئاشكرای كرد كه ئه‌مڕۆ سێشه‌م له كه‌لار ئافرەتێک سوتاوه و بەهۆی زۆری ڕێژەی سوتانەکشی به‌په‌له ڕەوانەی نەخۆشخانەی سلێمانی کرا.
عه‌قید عه‌لی جه‌مال له ڕاگه‌یاندنی پۆلیسی گه‌رمیان گوتی: ئێوارەی ئەمڕۆ سێشەم لە گەڕەکی بەردەسوور سەر بە شارۆچكه‌ی کەلار ئافرەتێک بە ناوی (ک. ع. ع) لەدایکبووی 1933 هێنرایە بەشی فریاکەوتنی شەهید هەژار کە بەشێکی زۆری جەستەی سوتابوو.
گوتیشی: بەگوتەی کەسوکاره‌كه‌ی، ئافره‌ته‌كه لەبەردەرگای ماڵی خۆیان پاشماوەی کارتۆن و پارچە پەڕۆی کۆکردۆتەوە و بە مەبەستی لەناوبردنیان سوتاندوویەتی و لە ئەنجامیشدا خۆشی گڕی گرتووە و سوتاوە.
عه‌قید عه‌لی جه‌مال ئاماژه‌ی به‌وه‌ش دا كه دوای چارەسەری خێرا و به‌په‌له، بەهۆی زۆری ڕێژەی سوتانەکەی، ئافره‌ته‌كه ڕەوانەی نەخۆشخانەی سلێمانی کرا.
کۆمێنت (0)
تا ئێستا هیچ کۆمێنتێک نەکراوە.