رێوڕه‌سمی بڵاوكردنه‌وه‌ی كتێبی (كوردستانی ماد) به‌ڕێوه‌ده‌چێت

ئه‌مڕۆ  چوارشه‌ممه‌ 17-5-2023 له‌ شاری هه‌ولێر،له‌ سنته‌ری ئاڵا ،ڕێوره‌سمی ناساندن و بڵاوكردنه‌وه‌ی كتێبی (كوردستانی ماد) له‌نووسینی نووسه‌ر و شاعیر  (غالب حه‌ساری) به‌رێوه‌ده‌چێت
له‌سه‌ر ناوه‌ڕۆكی كتێبه‌كه‌دا،له‌ لێدوانێكی تایبه‌ت به‌ كوردستان تیڤی شاعیر(غالب حه‌ساری) راگه‌یاند" ئه‌م كتێبه‌ ، له‌ كۆ شیعرێكی نیشتمانی جوانی شێوه‌ كلاسیك و ستونی قافیه‌دار به‌ دیزانێكی جوان نه‌خشێنراو پێكهاتووه‌ ".
هه‌روه‌ها وتی"  به‌رگی یه‌كه‌می به‌ وێنه‌یه‌كی شاعیر و تابلۆیه‌كی مێژووی ماد و به‌رگی دووه‌میشی به‌ چوارینه‌ شیعرێكی شاعیرو ئاڵای كوردستان ڕازاوه‌ته‌وه‌. له‌وماوه‌یه‌دا كه‌وته‌ به‌ر ده‌ست ودیدی خوێنه‌ران و هه‌وادارانی شیعرو ئه‌ده‌ب و كه‌لێنێكی تری له‌ كتێبخانه‌ی كوردیمان پڕكرده‌وه‌و وكتێبخانه‌ی كوردیمانی پتر ده‌وڵه‌مه‌ندكرد".
له‌كۆتایی دا شاعیر (غالب حه‌ساری ) وتی "ئه‌م كتێبه‌كه‌ هاوكاری ڕێزدار دكتۆر كه‌مال كه‌ركوكی ئه‌ندامی مه‌كته‌بی سیاسی پارتی دیموكراتی كوردستان و به‌رپرسی مه‌كته‌بی ڕێكخستنی پارێزگای كه‌ركوك گه‌رمیان، چاپكراوه‌".
شایانی باسه‌،رێوڕه‌سمه‌كه‌ له‌ نێو باره‌گای سنته‌ری ئاڵا له‌ كاتژمێر 5ـی ئێواره‌ به‌رێوه‌ ده‌چێت، هاتن بۆ هه‌مووانه‌.