وەزیری ناوخۆی هەرێمی کوردستان ڕایگەیاند، کۆبوونەوەیەکی بەرهەمداریان لەگەڵ ڕاوێژکاری ئاسایشی نیشتمانی عێراق ئەنجام داوە.
ئەمڕۆ چوارشەممە 17ـی 05ـی 2023 قاسم ئەعرەجی ڕاوێژکاری ئاسایشی نیشتمانی عێراق لە هەولێر لەگەڵ ڕێبەر ئەحمەد وەزیری ناوخۆی هەرێمی کوردستان کۆبووەوە.
ڕێبەر ئەحمەد لە تویتێکدا ڕایگەیاند: کۆبوونەوەیەکی بەرهەمدارمان لەگەڵ قاسم ئەعرەجی ڕاوێژکاری ئاسایشی نیشتمانی عێراق و شاندی یاوەری ئەنجام دا.
وەزیری ناوخۆ ناوەڕۆکی کۆبوونەوەکەی خستەڕوو، ئاماژەی بەوە دا کە گفتوگۆ لەبارەی پێداچوونەوە و بەرزکردنەوەی ئەو ڕێوشوێنانەی کە ئاسایشی سنوورەکان لەگەڵ ئێران بەهێز دەکەن بۆ پاراستنی هاووڵاتیانمان، کۆنترۆڵکردنی چالاکییە نایاساییەکان و پشتگیری لە جێبەجێکردنی یاسا، کرا.
کۆمێنت (0)
تا ئێستا هیچ کۆمێنتێک نەکراوە.