سبه‌ی هه‌ینی به‌شی هه‌ڵبژاردنی پارتی دیموكراتی كوردستان و ده‌زگای هه‌ڵبژاردنی یه‌كێتی نیشتمانی كوردستان له‌نێو ته‌لاری په‌رله‌مان بۆ پرسی هه‌ڵبژاردن كۆ ده‌بنه‌وه.
كۆبوونه‌وه‌كه‌ی سبه‌ی به‌شی هه‌ڵبژاردنی پارتی و یه‌كێتی، به به‌شداری سه‌رۆكی په‌رله‌مان و جیگره‌كه‌ی و هه‌روه‌ها سه‌رۆكی هه‌ردوو فڕاكسیۆنی پارتی و یه‌كێتی ده‌بێت.
له كۆبوونه‌وه‌كه‌دا پرسی ئه‌نجامدانی هه‌ڵبژاردن و كاراكردنه‌وه‌ی كۆمیسیۆن و یاسای هه‌ڵبژاردنه‌كان ته‌وه‌ری سه‌ره‌كی ده‌بێت.
كۆبوونه‌وه‌كه له كاتێكدایه كه رۆژی سێشه‌می ڕابردوو هه‌ردوو مه‌كته‌بی سیاسی پارتی و یه‌كێتی له شاری سلێمانی كۆ ببوونه‌وه.
كۆبوونه‌وه‌كه دوای ده‌ستپێشخه‌رییه‌كه‌ی سه‌رۆك بارزانی هات كه رۆژی پێنجشه‌می هه‌فته‌ی ڕابردوو له مه‌ڕاسیمی كردنه‌وه‌ی یادگه‌ی نیشتمانی بارزانی له بارزان داوای له سه‌رجه‌م حزب و لایه‌نه‌كانی هه‌رێمی كوردستان كردبوو كۆببنه‌وه به مه‌به‌ستی كۆتاهێنان به دۆخی چه‌قبه‌ستوویی هه‌رێمی كوردستان.
سه‌رۆك بارزانی به‌تایبه‌تی داوای له مه‌كته‌بی سیاسی پارتی دیموكراتی كوردستان و یه‌كێتی نیشتمانی كوردستان كردبوو، له نزیكترین ماوه‌دا ڕێك بكه‌ون بۆ ده‌ستكردن به ئاماده‌كارییه‌كان به‌مه‌به‌ستی ئه‌نجامدانی هه‌ڵبژاردنه‌كانی هه‌رێمی كوردستان.
هه‌ولێر / ئالان ئه‌حمه‌د
کۆمێنت (0)
تا ئێستا هیچ کۆمێنتێک نەکراوە.