ئێوارەی ئەمڕۆ پێنجشەم لەسەر سنووری حاجی ئۆمەران - خانێ، لەلایەن هێزەکانی کۆماری ئیسلامی ئێرانەوە کۆڵبەرێکی کوردی کوردستانی ئێران بە سەختی بریندار کرا، دواتریش برینداره‌كه گەیەنرایە نەخۆشخانەی چۆمان.
سەرچاوەیەک لە نەخۆشخانەی چۆمان بە (کوردستان تیڤی) راگەیاند: کاتژمێر 6:30ی ئێوارەی ئه‌مڕۆ پێنجشه‌م تیمی ئەمبوڵانسمان دەرچوو بۆ گوندی زینوەی شێخ لە سنووری شارەدێی حاجی ئۆمەران.
ڕاشیگه‌یاند: تیمه ته‌ندروستییه‌كه‌مان له‌نێو گونده‌كه فریاگوزاری سەرەتاییان بۆ کۆڵبەرێک کرد کە ئاسەواری گولـلەی بە جەستەیەوە بوو.
سه‌باره‌ت به ناسنامه‌ی كۆڵبه‌ره‌كه، سه‌رچاوه‌كه‌ی نه‌خۆشخانه‌ی چۆمان گوتی: کۆڵبەرەکە ناوی (ئارام ئەسکەندەر عەزیزی)یه و تەمەن 43 ساڵە.
ئاماژه‌ی به‌وه‌ش دا: دوای گەیاندنی كۆڵبه‌ره برینداره‌كه بۆ بەشی فریاکەوتنی نەخۆشخانەکەمان، دەرکەوت گولـلەی بەر پشتی کەوتووه و لە سینگی دەرچووه.
جه‌ختیشی كرده‌وه كه دوای گرتنەبەری چارەسەری پێویستی ته‌ندروستی، بەهۆی سەختی برینەکەیه‌وه كۆڵبه‌ره برینداره‌كه رەوانەی نەخۆشخانەکانی شاری هەولێر کرا.
چۆمان / کەریم سمکۆ
وێنه.. ئه‌و كۆڵبه‌ره كورده‌ی ئێواره‌ی ئه‌مڕۆ به گولـله‌ی هێزه‌كانی ئێران بریندار كرا:-
کۆمێنت (0)
تا ئێستا هیچ کۆمێنتێک نەکراوە.