به‌ڕێوه‌به‌رایه‌تی گشتیی ته‌ندروستی هه‌ولێر ئاشكرای كرد كه له ڕووداوی ئاگركه‌وتنه‌وه‌كه‌ی ئه‌مشه‌و له به‌نزینخانه‌یه‌ك له سنووری پارێزگای هه‌ولێر، چه‌ند كارمه‌ندێكی به‌رگریی شارستانی بریندار بوون.
ته‌ندروستی هه‌ولێر بڵاوی كرده‌وه: دوای ئه‌وه‌ی ئه‌مشه‌و سه‌نته‌ری فریاگوزاری 122ی پزیشكی فریاكه‌وتنی هه‌ولێر له ڕووداوی ئاگركه‌وتنه‌وه‌ی به‌نزینخانه‌یه‌ك له‌سه‌ر ڕێگه‌ی مه‌خموور ئاگاداركرانه‌وه، ده‌ستبه‌جێ تیمی كرده پزیشكییه‌كان گه‌یشتنه شوێنی ڕووداوه‌كه.
بڵاویشی كرده‌وه: له رووداوی ئاگركه‌وتنه‌وه‌كه چه‌ند كارمه‌ندێكی تیمی به‌رگریی شارستانی بریندار ببوون، به‌ڵام برینه‌كانیان سووك بوون و تیمه پزیشكییه‌كان چاره‌سه‌ری پێویستیان بۆ كردن.
ئه‌مشه‌و پێنجشه‌م له‌سه‌ر ڕێگه‌ی هه‌ولێر – مه‌خموور به‌نزینخانه‌یه‌ك گڕی گرت و دوای نزیكه‌ی سێ كاتژمێر، تیمه‌كانی به‌رگریی شارستانی هه‌ولێر توانیان ئاگره‌كه كۆنتڕۆل بكه‌ن.
کۆمێنت (0)
تا ئێستا هیچ کۆمێنتێک نەکراوە.