ئەمڕۆ دووشەم سەرۆکی حکوومەتی هەرێمی کوردستان سەردانی شاری ئاکرێی کرد و بە ئامادەبوونی پارێزگاری دهۆک، لەگەڵ قایمقام و بەڕێوەبەری ناحییەکانی هەردوو قەزای ئاکرێ و بەردەڕەش کۆبووەوە.
مەسرور بارزانی سەرۆکی حکوومەت ئاماژەی بە گرنگیی و دەوڵەمەندی دەڤەرەکە لە ڕووی کشتوکاڵی و گەشتوزارییەوە کرد کە دەڤەرێکی ستراتیژییە و هەرسێ پارێزگای دهۆک و هەولێر و مووسڵ بەیەکەوە دەبەستێتەوە.
سەرۆکی حکوومەت دووپاتی کردەوە کە لە دوای دەستبەکاربوونی کابینەی نۆیەمی حکوومەتی هەرێمی کوردستان، بە بڕی زیاتر لە 257 ملیار دینار چەندین پڕۆژەی گرینگ لەم ناوچەیەدا ئەنجامدراون و لە بەرنامەشدایە پڕۆژەی دیکە جێبەجێ بکرێن.
سەرۆکی حکوومەت بەرپرسانی ناوچەکەی ڕاسپارد هەموو هەوڵێک بخەنەگەڕ بۆ ئەوەی بە باشترین شێوە خزمەتی دانیشتووانی سنوورەکە بکەن.
کۆمێنت (0)
تا ئێستا هیچ کۆمێنتێک نەکراوە.