ئەمڕۆ پشكی هەرێمی كوردستان لە بودجە یەكلایی دەكرێتەوە ؟

بڕیار بوو دوێنێ دووشەممە لیژنەی دارایی كۆتایی بە گفتوگۆكانی لەسەر ڕەشنووسی بودجە بهێنێت بۆ ئەوەی ڕادەستی پەرلەمان بكات.
لەوبارەیەوە موعین كازمی ،ئەندامی لیژنەی دارایی، لە چاوپێكەوتنێكدا لەگەڵ رۆژنامەی سەباح گوتی: لیژنەی دارایی زۆربەی ئەو دەقانەی لە بودجەدا نووسراون، كە 67 ماددەیە، تەواوكردووە.
 هەروەها گوتی: ئەمڕۆ سێشەممە بڕگەو ماددەكانی پەیوەست بەپشكی هەرێمی كوردستان یەكلایی دەكرێنەوە و بۆ ئەوەی تا كۆتایی هەفتە بودجە ئامادە بێت و ڕەشنووسەكەی ڕادەستی سەرۆكایەتی پەرلەمان بكرێت.
 هاوكات جەمال كۆچەر ،ئەندامی لیژنەی دارایی  گوتی: پێشبینیمان دەكرد لە ناوەڕاستی ئەم هەفتەیەدا بودجە یەكلایی بكرێتەوە، بەڵام لیژنەكە هێشتا كار لەسەر چارەسەركردنی ئەو خاڵانە دەكات كە تایبەتە بە هەرێمی كوردستان و هەروەها بڕگەی كەمكردنەوەی ژمارەی فەرمانبەرانی هەرێم هێشتا گفتوگۆی لەسەر دەكرێت.
دوێنێ دووشەممە، لیژنەی دارایی پەرلەمان دەنگی لەسەر بڕگەیەكی بودجەی تایبەت بە كۆكردنەوەی كرێی فرۆشتنی سووتەمەنی ڕاگەیاند.