ئەنجومەنی وەزیران دواپێشهاتەكانی پڕۆژەیاسای بودجەی عێراق تاوتوێدەكات

ئەمڕۆ چوارشەممە، 24ـی ئایاری 2023، ئەنجومەنی وەزیرانی هەرێمی كوردستان، بە سەرپەرشتیی مەسرور بارزانی، سەرۆكوەزیرانی هەرێمی كوردستان و ئامادەبوونی قوباد تاڵەبانی، جێگری سەرۆكوەزیران كۆ دەبێتەوە.
لە كۆبوونەوەكەدا چەند تەوەرێك تاووتوێ دەكرێن؛ تەوەری یەكەم تایبەت دەبێت بە خستەڕووی دواپێشهاتەكانی پرۆژەیاسای بودجەی عێراق بۆ ساڵانی 2023 - 2025.
لە تەوەری دووەمی كۆبوونەوەكەدا تاووتوێی بەرەئەنجامی كۆبوونەوەی ڕۆژی 22ـی ئایاری 2023ـی تایبەت بە دانانی میكانیزمی پێویست بۆ جێبەجێكردنی بڕیاری كۆبوونەوەی پێشووی ئەنجومەنی وەزیرانی تایبەت بە ڕێكخستنەوەی داراییی گشتی دەكرێت. 
خستنەڕووی ڕەشنووسی پرۆژەیاسای وەزارەتی تەندروستی لە هەرێمی كوردستان، تەوەری سێیەمی كۆبوونەوەكە دەبێت.
فەرمانگەی میدیا و زانیاری