سەرۆكی حكوومەتی هەرێمی كوردستان، لە چوارچێوەی كارنامەی كابینەی نۆیەمی حكوومەتی ھەرێمی كوردستان و بەرەوپێشبردنی كەرتی تەندروستی، ڕەزامەندیی دا لەسەر خەرجكردنی زیاتر لە 5 ملیار دینار بۆ دروستكردنی نەخۆشخانەیەكی فریاكەوتن.
ئەمڕۆ چوارشەممە 24/5/2023، فەرمانگەی میدیا و زانیاریی حكوومەتی هەرێمی كوردستان بڵاوی كردەوە، لە چوارچێوەی كارنامەی كابینەی نۆیەمی حكوومەتی ھەرێمی كوردستان و بەرەوپێشبردنی كەرتی تەندروستی و بە مەبەستی دابینكردنی خزمەتگوزاریی زیاتر و خزمەتكردنی زیاتری ھاووڵاتییان لە پارێزگاكانی ھەرێمی كوردستان و ئیدارە سەربەخۆكان، مەسرور بارزانی، سەرۆكی حكوومەتی ھەرێمی كوردستان، ڕەزامەندیی لەسەر تەرخان و خەرجكردنی گوژمەی 5 ملیار و 163 ملیۆن دینار دا، بۆ دروستكردنی نەخۆشخانەی فریاكەوتن لە قەزای باتیفای سەر بە ئیدارەی سەربەخۆی زاخۆ.
فەرمانگەی میدیا و زانیاری ئەوەشی خستووەتە ڕوو، گوژمەكە لەسەر بودجەی وەبەرھێنانی وەزارەتی تەندروستی خەرج دەكرێت.
مەسرور بارزانی ڕەزامەندیی دا لەسەر خەرجكردنی 5 ملیار دینار بۆ دروستكردنی نەخۆشخانەیەك
100%
کۆمێنت (0)
تا ئێستا هیچ کۆمێنتێک نەکراوە.