شاره‌زایه‌كی كه‌شناسی ئاشكرای كرد كه پێشبینی ده‌كرێ ئه‌مشه‌و و له چه‌ند كاتژمێری داهاتوودا بارانبارین له ناوچه‌كانی هه‌رێمی كوردستان ده‌ستپێبكاته‌وه.
ئاراس جه‌بار شاره‌زای كه‌شناسی گوتی: بارستە ھەورێکی چالاکی ھەورەبروسکە لە کاتەکانی پاش نیوەرۆی ئه‌مڕۆ پێنجشه‌مه‌وه لە ناوچەکانی رۆژئاوای عێراق چالاک بووه.
هه‌روه‌ها گوتی: پێشبینی ده‌كرێ لە چەند کاتژمێری داھاتوودا ئەم ھەورانە ناوچە جیاجیاکانی سنووری پارێزگای دھۆک و ھەولێر و مووسڵ بگرێتەوە و بارانێکی کەم هه‌روه‌ها لە ھەندێ ناوچە تاوەبارانی مامناوەند بۆ بە خوڕ ببارێت.
شاره‌زاكه‌ی كه‌شناسی ئاماژه‌شی دا كه ئەگەر ھەیە درەنگانی شەو ئه‌م بارانه بەلاوازی ناوچەکانی سنووری پارێزگای کەرکووک و سلێمانیش بگرێتەوە.
کۆمێنت (0)
تا ئێستا هیچ کۆمێنتێک نەکراوە.