سه‌رۆك وه‌زیرانی عێراق كه له هه‌مانكاتدا فه‌رمانده‌ی گشتی هێزه چه‌كداره‌كانیشه، ئه‌مڕۆ هه‌ینی بڕیاری پێكهێنانی لیژنه‌یه‌كی ده‌ركرد بۆ چاوخشانه‌وه و ئه‌نجامدانی گۆڕانكاری له كاری داموده‌زگا ئه‌منییه‌كانی عێراق.
محه‌مه‌د شیاع سوودانی سه‌رۆك وه‌زیران به ئاژانسی ده‌نگوباسی عێراقی ڕاگه‌یاند: سیسته‌می ئه‌منی عێراق له ساڵی 2003وه هیچ گۆڕانكاری و چاكسازییه‌كی تێدا نه‌كراوه، به‌ڵكو ئه‌وه‌ی تا ئێستا كراوه ته‌نیا ده‌ركردنی بڕیار بووه بۆ دۆخێكی پێویست.
ڕاشیگه‌یاند: ئێستا كاتی ئه‌وه هاتووه چاوخشانه‌وه به كاروباری داموده‌زگا ئه‌منییه‌كان عێراق بكه‌ین و چاكسازییان تێدا ئه‌نجام بده‌ین.
محه‌مه‌د شیاع سوودان بۆ ئه‌نجامدانی چاكسازی و داڕشتنه‌وه‌ی كاروباری ده‌زگا ئه‌منییه‌كان، بڕیاری دا لیژنه‌یه‌ك به سه‌رۆكایه‌تی خۆی پێكبهێنێ.
جه‌ختیشی كرده‌وه كه لیژنه‌كه سه‌رجه‌م كار و ئه‌ركه‌كانی داهاتووی ده‌زگا ئه‌منییه‌كان عێراق داده‌ڕێژێته‌وه.
کۆمێنت (0)
تا ئێستا هیچ کۆمێنتێک نەکراوە.