به‌گوێره‌ی ئه‌نجامه به‌راییه‌كانی خولی دووه‌می هه‌ڵبژاردنه‌كانی سه‌رۆك كۆماری توركیا، ئه‌ردۆغان زۆر له پێشه‌وه‌ی كلچدار ئۆغڵووه‌یه.
خولی دووه‌می هه‌ڵبژاردنه‌كانی سه‌رۆك كۆماری توركیا سه‌رله‌ئێواره‌ی ئه‌مڕۆ یه‌كشه‌م و كه‌مێك پێش ئێستا كۆتایی هات، هه‌ر دوای كۆتاهاتنی هه‌ڵبژاردنه‌كان پڕۆسه‌ی جیاكردنه‌وه‌ی ده‌نگه‌كه‌كان ده‌ستیی پێ كرد.
به‌گوێره‌ی ئه‌نجامه به‌راییه‌كان و ئه‌و ده‌نگانه‌ی كه تا ئێستا جیاكراونه‌ته‌وه، ره‌جه‌ب ته‌یب ئه‌ردۆغان به‌ربژێری هاوپه‌یمانی جمهوور زیاتر له دوو ئه‌وه‌نده‌ی ده‌نگه‌كانی به‌ده‌ستهێناوه و زۆر له پێشه‌وه‌ی ركابه‌ره‌كه‌ی كه‌مال كڵچدار ئۆغلو به‌ربژێری هاوپه‌یمانی ملـله‌ته‌وه‌یه.
ئه‌مه له‌كاتێكدایه كه له خولی یه‌كه‌می هه‌ڵبژاردنه‌كانی سه‌رۆك كۆماری توركیا ره‌جه‌ب ته‌یب ئه‌ردۆغان ڕێژه‌ی 49.52%ی ده‌نگه‌كانی به‌ده‌ستهێنابوو، هه‌روه‌ها كه‌مال كڵچدار ئۆغڵوش ڕێژه‌ی 44.88%ی ده‌نگه‌كانی به‌ده‌ستهێنابوو.
کۆمێنت (0)
تا ئێستا هیچ کۆمێنتێک نەکراوە.