یاریزانی فه‌ره‌نسی یانه‌ی بارسێلۆنا عوسمان دێمبلی له‌میانی دیدارێكی له‌گه‌ڵ رۆژنامه‌ی تێلی فووتی فه‌ره‌نسی، ئاماژه‌ی بۆكردوه، له‌گه‌ڵ بارسێلۆنا هه‌ست به‌ئاسووده‌یی زۆر ده‌كه‌م، چونكه ئه‌و یانه‌یه له‌ده‌ستپێكی كاروان وه‌رزشی و له‌مناڵی هانی زۆری داوم، بۆیه ئومێد ده‌خوازم له‌گه‌ڵ ئه‌و یانه‌یه ببمه یاریزانێكی به‌ناوبانگ و گه‌وره.
دێمبلی گرێبه‌سته‌كه‌ی له‌گه‌ڵ بارسێلۆنا له‌وه‌رزی دوو هه‌زارو بیست و سێ بۆ دوو هه‌زارو بیست و چوار به‌كۆتادێت، بۆیه ئه‌و یاریزانه له‌داهاتوودا له‌گه‌ڵ كارگێری بارسێلۆنا داهاتووی خۆی یه‌كلاده‌كاته‌وه.
له‌به‌رامبه‌ردا یانه‌ی بارسێلۆنا هه‌وڵ و كۆششه‌كانی خۆی خستۆته گه‌ر له‌پێناو نوێكردنه‌وه‌ی بۆندی ئه‌و یاریزانه له‌میركاتۆی هاوینه، گرێبه‌ستی دێمبلی له‌گه‌ڵ بارسێلۆنا به‌ندێكی تێدایه به‌بری سه‌د ملیۆن یۆرۆ، ئه‌و بره‌یه له‌ته‌مووزی داهاتوو ده‌بێته نیوه‌ی ئه‌م بره پاره‌یه، له‌دوای ته‌مموزی دوو هه‌زارو بیست و سێ هه‌ر یانه‌یه‌ك بۆند له‌گه‌ڵ دێمبلی ئه‌نجام بدات نیوه‌ی ئه‌م بره پاره‌یه‌ی پێ ده‌درێت كه وه‌ك مه‌رج دیاریكراوه.
کۆمێنت (0)
تا ئێستا هیچ کۆمێنتێک نەکراوە.