شاره‌زایه‌كی كه‌شناسی ئاشكرای كرد كه له چه‌ند كاتژمێری داهاتوودا هه‌ورێكی باراناوی ده‌گاته ناوچه‌كانی هه‌رێمی كوردستان و به‌هۆیه‌وه له هه‌ندێ ناوچه باران ده‌بارێت.
ئاراس جه‌بار شاره‌زای كه‌شناسی ڕایگه‌یاند: لە کاتەکانی ئێوارەوە کەڵەکە ھەوری برووسکە و باراناوی لە بەشێکی ناوچەکانی باشووری عێراق چالاکبووە.
ڕاشیگه‌یاند: هه‌وره‌كه جوڵە دەکات بە ئاراستەی ناوچەکانی خۆرئاوای پارێزگای کەرکووک و نێوان سنووری پارێزگای موسڵ و ھەولێر.
هه‌روه‌ها ڕایگه‌یاند: ئەگەر ھەیە لە چەند کاتژمێری داھاتوودا بگاتە ئەم ناوچانە، هه‌وره‌كه‌ش خۆی ئەبینێتەوە لە نمەباران و ھەندێ کات و ناوچەش بارانێکی مامناوەند ئەبارێت.
کۆمێنت (0)
تا ئێستا هیچ کۆمێنتێک نەکراوە.