پێش نیوەڕۆی ئەمڕۆ چوارشەممە، لەسەر رێگای هامڵتۆن لەنێوان سۆران-چۆمان بەهۆی رووداوێكی هاتووچۆ، هاووڵاتییەكی تەمەن 54 ساڵ گیانی لەدەستدا.
محەمەد جەبار، بەڕێوەبەری نەخۆشخانەی چۆمان بە كوردستان تیڤی راگەیاند: كاتژمێر 11:30 تەرمێك گەیەندرایە بەشی فریاكەوتنی نەخۆشخانەكەمان، بەناوی (عەبدوڵڵا ئەحمەد عەبدوڵڵا) تەمەن 54 ساڵ.
لەگەڵ كەسێك برینداربوو بەناوی ئەنوەر عەبدوڵڵا، چارەسەری فریاگوزاری بۆ ئەنجامدرا و تەندروستی جێگیرە.
ڕووداوەكە لە جۆری لێكدان لەنێوان ئۆتۆمبێلی جۆری پیكاب دێر و قەلابەیەك ڕوویداوە لە نزیك گوندی ئۆمەراوەی سەر بە شارەدێی گەڵاڵە.
پەیامنێر: كەریم سمكۆ
کۆمێنت (0)
تا ئێستا هیچ کۆمێنتێک نەکراوە.