ئه‌مڕۆ چوارشه‌م مه‌رجێك بۆ كاسبكاران دانرا كه ده‌بێت ده‌نگی بڵندگۆكانیان بۆ ساغكردنه‌وه‌ی كاڵاكان نزم بكه‌نه‌وه و هه‌روه‌ها كاتی هه‌ڵكردنیشیان گونجاو بێت، به‌پێچه‌وانه‌وه ده‌ست به‌سه‌ر بڵندگۆكه‌یاندا ده‌گیرێت.
بڕیاره‌كه له قایمقامییه‌تی ڕانییه ده‌ركراوه و تێیدا هاتووه "داوا لە کاسبکاران ده‌كه‌ین کەوا دەنگی بڵندگۆکانیان بۆتە هۆی بێزارکردنی هاووڵاتییان کە بۆ مەبەستی ساغکردنەوەی کـاڵاکانیان بەکـاری دەهـێنن لە کاتەکانی درەنگانی شەو و بەیانیان زوو بەشــێوەیەکـی ناشـارستانی، بۆیە پێویستە دەنگی بڵندگۆکانیان نزم بێت و کاتەکانیان گونجاو بێت".
ڕاشیگه‌یاند "بە پێچەوانەوە، ناچار دەبین دەست بەسەر بڵندگۆکاندا بگرین لەپێناو فەراهەکردنی کەشێکی ئارام بۆ هاووڵاتییان و ڕەخساندنی ژینگەیەکی هێمن بۆ قوتابییان".
کۆمێنت (0)
تا ئێستا هیچ کۆمێنتێک نەکراوە.