وه‌زاره‌تی ناوخۆی عێراق ئه‌مڕۆ چوارشه‌م ده‌ستگیركردنی تۆڕێكی بازرگانیكردنی به جه‌سته‌ی مرۆڤ ڕاگه‌یاند له كاتی فرۆشتنی گورچیله‌یه‌كدا به بڕی 50 ملیۆن دینار.
ئاژانسی هه‌واڵگری و لێكۆڵینه‌وه‌ی فیدڕالی سه‌ر به وه‌زاره‌تی ناوخۆ بڵاوی كرده‌وه: دوای كۆكردنه‌وه‌ی زانیاری وردی هه‌واڵگری، ئه‌مڕۆ چوارشه‌م له پارێزگای ئه‌نباڕ تۆڕێكی بازرگانیكردن به جه‌سته‌ی مرۆڤ ده‌ستگیر كران كه پێكهاتبوون له چوار كه‌س (سێ پیاو و ئافره‌تێك).
بڵاویشی كرده‌وه: تۆڕه‌كه له كاتی مامه‌ڵه‌ی فرۆشتنی گورچیله‌یه‌كدا ده‌ستگیر كران به به‌های 50 ملیۆن دیناری عێراقی.
فه‌رمانگه‌كه‌ی وه‌زاره‌تی ناوخۆی عێراق جه‌ختیشی كرده‌وه كه له‌سه‌ر فه‌رمانی دادوه‌ر و به‌پێی بڕگه‌كانی یاسای بازرگانیكردن به مرۆڤ و یاسای سزادانی عێراقی، هه‌رچوار تۆمه‌تباره‌كه ڕاگیراون و دادگایی ده‌كرێن.
کۆمێنت (0)
تا ئێستا هیچ کۆمێنتێک نەکراوە.