دوو کارمەندی پاسەوانی سنووری ناوچەی یەک TNT پێیاندا تەقییەوە و پاسەوانێکیان گیانی لەدەست داوە، پاسەوانەکەی دیکەشیان برینداربوو.
ئەمڕۆ هەینی 02ـی 06ـی 2023 دوو کارمەندی پاسەوانی سنوور TNT پێیاندا تەقییەوە، فەرماندەیی پاسەوانی سنووری ناوچەی 1 لەبارەی ڕووداوەکە ڕاگەیەنراوێکی بڵاو کردەوە و ڕایگەیاند: دوو کارمەندی پاسەوانی سنووری ناوچەی یەک لە لیوای دووی فەوجی دوو، لە کاتی ئەرکدا لە ناوچەی سیدەکان – قەلەڕەش، (TNT) پێیاندا تەقییەوە.
ڕاشیگەیاند: بەهۆی تەقینەوەکە ڕێپێدراو 6 ڕزگار عەبدولکەریم شەهید بوو و ڕێپێدراو 5 سامان فەتاح مەغدید بریندار بوو.
فەرماندەیی پاسەوانی سنووری ناوچەی 1 لە ڕاگەیەنراوەکە پرسە و سەرەخۆشی لە خانەوادەی شەهید ڕزگار کردووە و هیوای سەلامەتیشی بۆ سامان فەتاح مەغدید خواستووە.
کۆمێنت (0)
تا ئێستا هیچ کۆمێنتێک نەکراوە.