لە وڵاتی هیندستان بەهۆی پێکدادانی دوو شەمەندەفەر 50 کەس گیانیان لەدەست دا و زیاتر لە 300 کەسی دیکەش بریندارن و سەدان کەسی دیکەش لەنێو شەمەندەفەرەکان گیریان خواردووە.
کاتژمێر 07:20 خولەکی ئێوارەی ئەمڕۆ هەینی 02ـی 06ـی 2023 لە ویلایەتێکی هیندستان پێکدادان لەنێوان دوو شەمەندەفەردا ڕووی دا، (Hindustan Times) لەبارەی ڕووداوەکە ڕایگەیاند: لە ناوچەی بالاسۆری سەر بە ویلایەتی ئۆریسای لە هیندستان دوو شەمەندەفەر پێکیان داداوە، لە ڕووداوەکە 50 کەس گیانیان لەدەست داوە و زیاتر لە 300 کەسی دیکەش بریندار بوون.
بەرپرسانی ھیندیستان باس لەوە دەکەن کە 179 بریندار ڕەوانەی نەخۆشخانە کراون و 600 کەسی دیکەش لەنێو شەمەندەفەرەکەدا گیریان خواردووە و هەوڵی ڕزگارکردنیان دەدرێت.
هاوکات ئەو بەپرسانەی هیندستان ئاماژەیان بەوە داوە کە زیاتر لە 50 ئۆتۆمبێلی فریاگوزاریی ڕەوانەی ناوچەکە کراون، بۆ ڕزگارکردنی خەڵکەکە.
کۆمێنت (0)
تا ئێستا هیچ کۆمێنتێک نەکراوە.