بڕیارە سبەی تاقیکردنەوە گشتییەکانی پۆلی 12 ئامادەیی بە هەموو بەشەکانییەوە بەڕێوە بچێت، وەزارەتی پەروەردە ئامارێکی بڵاو کردۆتەوە و ئاماژەی بەوە داوە کە 117 هەزار و 364 قوتابی بەشداریی تاقیکردنەوەکان دەکەن.
سبەی شەممە 03ـی 06ـی 2023 تاقیکردنەوە گشتییەکانی پۆلی 12 ئامادەیی بەشەکانی (زانستی، وێژەیی و پیشەیی) بەڕێوە دەچێت، ئالان حەمەسەعید وەزیری پەروەردەی هەرێمی کوردستان هیوای ئەنجامێکی باش بۆ قوتابییان دەخوازێت و هەروەها ڕایگەیاند: پێویستە لە ماڵەوە و لە هۆڵی تاقیکردنەوەکانیش کەشێکی ئەرێنی و گونجاو بۆ قوتابییان فەراهەم بکرێت.
ڕاشیگەیاند: پێویستە تەواوی ڕێکارەکانی پشکنین ئەنجام بدرێت و ڕێنماییەکان جێبەجێ بکرێن، بۆ ئەوەی دادپەروەری بەدی بێت.
وەزیری پەروەردە لە ڕاگەیەنراوەکە ژمارەی ئەو قوتابییانەی کە مافی بەشداربوونیان لە تاقیکردنەوەکان هەیە، بەمشێوەیە خستووەتەڕوو:-
زانستی: 75 هەزار و 39 قوتابی.
وێژەیی: 39 هەزار و 113 قوتابی.
پیشەیی: 3 هەزار و 12 قوتابی.
کۆی گشتی دەکاتە 117 هەزار و 364 قوتابی
کۆمێنت (0)
تا ئێستا هیچ کۆمێنتێک نەکراوە.