سەرۆکی هەرێمی کوردستان لە ئەنقەرە هاوشانی ژمارەیەک سەرۆک و سەرکردەی وڵاتانی جیهان بەشداری لە ڕێوڕەسمی دەستبەکاربوونی سەرۆکی تورکیا کرد.
ئێواره‌ى ئه‌مڕۆ شه‌ممه 03ـی 06ـی 2023 نێچيرڤان بارزانى، سه‌رۆكى هه‌رێمى كوردستان، له ئه‌نقه‌ره له‌گه‌ڵ ژماره‌يه‌كى به‌رچاوى سه‌رۆک و سه‌ركرده‌ى وڵاتان، به‌شدارى له ڕێوڕه‌سمى ده‌ستبه‌كاربوونى ڕه‌جه‌ب ته‌ييب ئه‌ردۆغان سه‌رۆكى توركيادا كرد.
دواى ڕێوڕه‌سمه‌كه‌ش نێچيرڤان بارزانى و ميوانانى باڵاى ڕێوڕه‌سمه‌كه، له كۆشكى سه‌رۆكايه‌تيى كۆمارى توركيا له ئه‌نقه‌ره، به‌شدارييان له ئێواره‌خوانێكدا كرد.
جێی باسە، ئه‌م ڕێوڕه‌سمانه دواى سوێندخواردنى ئه‌مڕۆى ئه‌ردۆغان له په‌رله‌مانى وڵاته‌كه‌ى بۆ خولێكى تازه‌ى سه‌رۆكايه‌تيى توركيا، به‌ڕێوه چوون.
کۆمێنت (0)
تا ئێستا هیچ کۆمێنتێک نەکراوە.