هاووڵاتییه‌كی عێراقی كه دانیشتووی ئه‌مه‌ریكایه، به‌هۆی ناردی نامه‌یه‌كی ڤیدیۆیی له مۆبایله‌وه بۆ هاوسه‌ره‌كه‌ی كه تێیدا هه‌ڕه‌شه‌ی كوشتنی لێ ده‌كات، له‌لایه‌ن دادگه‌ی ئه‌مه‌ریكاوه به 5 ساڵ به‌ندكردن سزا ده‌درێت.
هاووڵاتییه عێراقییه‌كه ته‌مه‌نی 43 ساڵه و خاوه‌ن ڕه‌گه‌زنامه‌ی هۆڵه‌ندییه، له حوزه‌یرانی ساڵی 2021 نامه‌یه‌كی ڤیدیۆیی بۆ هاوسه‌ره‌كه‌ی ده‌نێرێت و به چه‌ك و ده‌مانچه هه‌ڕه‌شه‌ی كوشتنی لێ ده‌كات.
دوای ئه‌وه‌ی هاوسه‌ره‌كه‌ی داوای یاسایی له‌سه‌ر تۆمار ده‌كات، پۆلیس پشكنین بۆ ماڵی پیاوه‌كه ده‌كات و تێیدا 6 ده‌مانچه و 2 هه‌زار و 600 گولـله ده‌دۆزێته‌وه.
هاووڵاتییه عێراقییه‌كه چه‌ند رۆژێك پێش ئێستا له‌به‌رده‌م دادوه‌ر دانی به‌وه‌دانا كه هه‌ڕه‌شه‌ی له هاوسه‌ره‌كه‌ی كردووه، به‌و هۆیه‌وه دادگه‌ی ئه‌مه‌ریكا سزای زیندانیكردنی 5 ساڵی بۆ بڕییه‌وه.
دادگاكه هه‌ر به سزای 5 ساڵ زیندانیكردن نه‌وه‌ستا، به‌ڵكو تۆمه‌تی ئه‌نجامدانی ده‌ستدرێژی و هه‌وڵی دزی و توندوتیژی خێزانی و هه‌ڵگرتنی چه‌كی بێ مۆڵه‌ت و به‌كارهێنانی مادده‌ی هۆشبه‌ریشی خسته‌پاڵ هاووڵاتییه عێراقییه‌كه.
بڕیاریشی دا كه دوای ته‌واوكردنی ماوه‌ی سزاكه‌ی كه 5 ساڵ كونجی زیندانه، ڕاسته‌وخۆ هاووڵاتییه عێراقییه‌كه ڕه‌وانه‌ی هۆڵه‌ندا بكاته‌وه به‌و پێیه‌ی به‌شێوه‌ی نایاسایی هاتۆته نێو خاكی ئه‌مه‌ریكاوه.
کۆمێنت (0)
تا ئێستا هیچ کۆمێنتێک نەکراوە.