سه‌رله‌ئێواره‌ی ئه‌مڕۆ دووشه‌م باره‌گای بارزانی په‌یامێكی سه‌ره‌خۆشی به‌هۆی كۆچی دوایی قه‌شه فڕه‌نسیس جبرائیل كه‌سایه‌تی ناسراوی كلدانی شاری شه‌قڵاو بڵاو كرده‌وه.
باره‌گای بارزانی په‌یامه سه‌ره‌خۆشییه‌كه‌ی ئاراسته‌ی بنه‌ماڵه‌ی قه‌شه فڕه‌نسیس جبرائیل كرد و ڕایگه‌یاند "دڵگرانین به بیستنی هه‌واڵی كۆچی دوایی به‌ڕێز قشه فڕه‌نسیس جبرائیل".
ڕاشیگه‌یاند "به‌م بۆنه خه‌مناكه‌وه سه‌ره‌خۆشی ئاراسته‌ی خانه‌واده به‌ڕێزه‌كه‌تان و كه‌سوكار و دۆستانی خوالێخۆشبوو و خوشك و برایانی مه‌سیحی ده‌كه‌ین، هاوبه‌شی خه‌می هه‌موو لایه‌كین".
باره‌گای بارزانی ئاماژه‌ی به‌وه‌ش دا "له خودای گه‌وره داواكارین دڵنه‌وایی به هه‌مووان ببه‌خشێت و گیانی خوالێخۆشبوو قشه فره‌نسیس جبرائیل به ره‌حمه‌تی خۆی بخات و به به‌هه‌شتی به‌رین شاد بكات".
ئه‌مه‌ی خواره‌وه ده‌قی په‌یامه سه‌ره‌خۆشییه‌كه‌ی باره‌گای بارزانییه:-
به‌ناوی خودای به‌خشنده و میهره‌بان
به‌ڕێزان له‌خانه‌واده‌ی، قه‌شه فره‌نسیس جبرائیل
دڵگرانین به بیستنی هه‌واڵی كۆچی دوایی به‌ڕێز قشه (فره‌نسیس جبرائیل).
به‌م بۆنه خه‌مناكه‌وه سه‌ره‌خۆشی ئاراسته‌ی خانه‌واده به‌ڕێزه‌كه‌تان و كه‌سوكار و دۆستانی خوالێخۆشبوو و خوشك و برایانی مه‌سیحی ده‌كه‌ین، هاوبه‌شی خه‌می هه‌موو لایه‌كین.
له خودای گه‌وره داواكارین دڵنه‌وایی به هه‌مووان ببه‌خشێت و گیانی خوالێخۆشبوو قشه فره‌نسیس جبرائیل به ره‌حمه‌تی خۆی بخات و به به‌هه‌شتی به‌رین شاد بكات.
باره‌گای بارزانی
5ـی حوزه‌یرانی 2023
کۆمێنت (0)
تا ئێستا هیچ کۆمێنتێک نەکراوە.