جێگری وه‌زیری به‌رگریی ئۆكڕاینا ئاشكرای كرد كه كۆتایی به پڕۆسه‌ی به‌رگریكردن دێنن و بۆ له‌مه‌ودوا له سه‌رجه‌م به‌ره‌كانی جه‌نگ دژی ڕووسیا ده‌ست به هێرشبردن ده‌به‌ن.
ئانا مالیار جێگری وه‌زیری به‌رگریی ئۆكڕاینا ئه‌مرۆ دووشه‌م گوتی: ئێمه له رۆژی 24ی شوبات و سه‌ره‌تای جه‌نگی دژی ڕووسیا به به‌رگریكردن ده‌ستمان پێ كرد، به‌ڵام بۆ له‌مه‌ودوا پلانی جه‌نگ ده‌گۆڕین و له چه‌ند به‌شێكی به‌ره‌كانی جه‌نگ ده‌ست به هێرشكردن ده‌كه‌ین.
گوتیشی: تا ئێستا سه‌رنجی سه‌ره‌كی جه‌نگ له به‌ره‌ی باخمووته، ئێمه له‌م به‌ره‌یه‌دا به‌شێوه‌یه‌كی فراوان ده‌ستمان به جووله كردووه و سه‌ركه‌وتنی گه‌وره‌مان به‌ده‌ستهێناوه، بۆ نموومه ئێستا ده‌ستمان به‌سه‌ر چه‌ندان به‌رزایی ئه‌و ناوچه‌یه‌دا گرتووه و دوژمن له دۆخی به‌رگریدایه و هه‌موو هه‌وڵێكی ئه‌وه‌یه به‌رگری له‌و ناوچانه بكات كه ئێستا به‌ده‌ستییه‌وه‌یه.
ئه‌مه له‌كاتێكدایه كه هه‌ر ئه‌مڕۆ دووشه‌م وه‌زاره‌تی به‌رگریی ڕووسیا دانی به‌وه‌دانابوو كه هێزه‌كانی ئۆكڕاینا له دوێنێوه له 5 به‌ره‌ی جه‌نگ ده‌ستیان به هێرشبردن كردووه، به‌ڵام تا ئێستا هیچ ئامانج و ده‌ستكه‌وتێكیان نه‌بووه.
کۆمێنت (0)
تا ئێستا هیچ کۆمێنتێک نەکراوە.