سێ گرووپی بازرگانیکردن بە ماددەهۆشبەرەکان دەستگیر کران، یەکێک لەو گرووپانە هەوڵی داوە لەڕێگەی ئافرەت و کچی نەوجەوانەوە ماددەی هۆشبەر بڵاو بکاتەوە.
بەڕێوەبەرایەتیی نەهێشتنی ماددەهۆشبەرەکان ڕایگەیاند: تیمەکانمان دوای کۆکردنەوەی زانیاری و بەدواداچوونی بەردەوام و گرتنەبەری ڕێکارەیاساییەکان، لە ڕۆژانی 4 و 5ـی ئەم مانگە، سێ گرووپی بازرگانیکردن بە ماددەهۆشبەرەکانیان دەستگیر کردووە کە پێکهاتوون لە 10 کەس.
ڕاشیگەیاند: یەکێک لەم گرووپانە هەوڵیانداوە ئافرەت و کچی نەوجەوان بەکاربهێنن بۆ بڵاوکردنەوە و تووشکردنی کەسانی دیکە بەم ماددە مەترسیدارە.
بەڕێوەبەرایەتیی نەهێشتنی ماددەهۆشبەرەکان ئاماژەی بەوەش دا کە تەواوی دەستگیرکراوان پەڕاوی لێکۆڵینەوەیان بۆکراوەتەوە و دانیان بە تاوانەکانیاندا ناوە و ڕووبەڕوی یاسا کراونەتەوە.
کۆمێنت (0)
تا ئێستا هیچ کۆمێنتێک نەکراوە.