پارێزگای هه‌ولێر ئاشكرای كرد كه به‌شه‌ناوه‌خۆییه نوێیه‌كه‌ی قوتابییان له شاری هه‌ولێر دوو مانگی تر ته‌واو ده‌بێت و جێگه‌ی 2 هه‌زار قوتابی ده‌بێته‌وه و چه‌ندان شوێنی وه‌ك كافیتریا و بنكه‌ی ته‌ندروستی و پاڕكی ئۆتۆمبێل و گۆڕه‌پانی باله و باسكه‌ی تێدایه.
لەچوارچێوەی پڕۆژە خزمەتگوزارییەکانی کابینەی نۆیەمی حکوومەتی هەرێمی کوردستان و بەمەبەستی خزمەتکردنی زیاتر قوتابییان، لە هەولێری پایتەخت پرۆژەی دروستكردنی كۆمەڵگەی بەشەناوخۆیی کە بەشێكە لە پرۆژەی كەمپی زانكۆی سەڵاحەدین، لە ئێستادا بە ڕێژەى 98%ی کارەکانی تەواو بووە و لە ماوەی دوو مانگی داهاتوودا تەواو دەبێت و بەڕووی قوتابییان دەکرێتەوە.
گوژمەی پڕۆژەکە 25 ملیۆن دۆلارە و ڕووبەرەكەشی 25 دۆنم زەوییە و سوودی بۆ زیاتر لە 2 هەزار قوتابی دەبێت.
پرۆژەکە لە چوار باڵەخانەی سێ نهۆمی پێكهاتووه لەگەڵ باڵەخانەیەكی كافتریای سێ نهۆمی و هەشت كوشك و بنكەیەكی تەندروستی و باڵەخانەیەكی كارگێڕی و هۆڵی پێشوازی و هۆڵێكی گەورە، ڕووبەری هەر یەكێکیان 400 مەتر چوارگۆشەیە و پاركی ئۆتۆمبێل و 2 گۆڕەپانی بالە و باسكەی تێدایە.
لە ڕووی پاراستنی سەلامەتییەوە، سیستەمی ئاگركوژێنەوە و زەنگدانەوەی ئاگری تێدایە و ئینتەرنێت و سیستەمی كامێرەی چاودێریی هەیە؛ هەموو باڵەخانەكان بەو سیستەمانەوە بەستراونەتەوە.
پرۆژەی دروستكردنی بەشەناوخۆییەکە ڕێژەى 98%ی تەواو بووە، ئەوەى ماویەتی تەنیا ڕاکێشانی هێڵی کارەبایە و لە ماوەی دوو مانگی داهاتوودا تەواو دەبێت.
بە تەواوبوونی پڕۆژەکە زانكۆ زۆر سوودمەند دەبێت، لەبەرئەوەی ژمارەیەکی زۆر قوتابی لە خۆى دەگرێت و ئەگەر بەراوردی بكەی لەگەڵ باڵەخانەكانی دەرەوەی زانكۆ، زۆر خۆشتر و دڵگیرترە، ئەمەش خزمەت بە ژینگەى خوێندن لە ناو زانكۆی سەڵاحەدین دەکات.
کۆمێنت (0)
تا ئێستا هیچ کۆمێنتێک نەکراوە.