ژماره‌یه‌ك چه‌كداری عه‌سائیبی ئه‌هلی حه‌ق، هه‌ڵده‌كوتنه سه‌رئه‌نجوومه‌نی شاره‌وانی شارۆچكه‌ی مه‌نده‌لی و ئاڵای كوردستان ده‌هێننه خواره‌وه.
نزیكه‌ی 100 چه‌كداری چه‌كدارانی عه‌سائیبی ئه‌هلی حه‌ق، كه گرووپێكی سه‌ر به حه‌شدی شه‌عبین ، هه‌ڵیان كوتایه سه‌ر ئه‌نجوومه‌نی شاره‌وانی شارۆچكه‌ی مه‌نده‌لی و ئاڵای كوردستانیان هێنایه خواره‌وه.
ئه‌و چه‌كدارانه داوای پاشگه‌زبوونه‌وه ده‌كه‌ن له بڕیاری به‌شداریكردن له ریفراندۆم و داواش ده‌كه‌ن سه‌رۆك و ئه‌ندامانی ئه‌نجوومه‌كه ده‌ست له‌كار بكێشنه‌وه.
دوای هه‌ڵكوتانه‌كه‌ش، پارێزگاری دیاله له‌گه‌ڵ قائید فیرقه‌ی پۆلیس رۆیشتوونه‌ته مه‌نده‌لی و هه‌وڵی هێوركردنه‌وه‌ی د‌ۆخه‌كه‌یاندا .
له 17-8-2017 سه‌رۆك و ئه‌ندامانی ئه‌نجوومه‌نی ناحیه‌ی مه‌نده‌لی بڕیاریاندا به‌شداری ریفراندۆمی سه‌ربه‌خۆیی كوردستان بكه‌ن.
کۆمێنت (0)
تا ئێستا هیچ کۆمێنتێک نەکراوە.