گوته‌بێژى ده‌سته‌ى سه‌رۆك هۆزه عه‌ره‌به‌كانى كه‌ركووك ده‌ڵێت، سه‌ردانه‌كه‌ى سه‌رۆك بارزانى بۆ كه‌ركووك و كۆبونه‌وه‌ى له گه‌ڵ سه‌رجه‌م پێكهاته‌كانى شاره‌كه زۆر گرنگ بوو.
شێخ مه‌سروور ناجی جبورى، گوته‌بێژی ده‌سته‌ى سه‌رۆك هۆزه عه‌ره‌به‌كانى كه‌ركووك، به باسنیوزى ڕاگه‌یاند: "سه‌ردانه‌كه‌ى مه‌سعود بارزانی، سه‌رۆكى هه‌رێمى كوردستان، بۆ كه‌ركووك و كۆبوونه‌وه‌ى له گه‌ڵ پێكهاته‌كانى شاره‌كه زۆر گرنگ بوو و سه‌رۆك بارزانى له كۆبوونه‌وه‌كدا زۆر بابه‌تى رۆژی باس كرد ، كه سه‌ره‌كیترینیان پرسی ریفراندۆم بوو بۆ سه‌ربه‌خۆیی كوردستان".
جبووری كه خۆی به‌شداربوویه‌كى كۆبونه‌وه‌كه‌ى بارزانی بووه له كه‌ركووك، گوتیشی: " له كۆبوونه‌وه‌كه‌دا نوێنه‌رانى پێكهاته‌كانى كه‌ركووك بۆچوونه‌كانیان ئه‌رێنی بوو له سه‌ر ئه‌نجامدانى ریفراندۆم له هه‌رێمى كوردستان و ناوچه كوردستانییه‌كانى ده‌ره‌وه‌ى ئیداره‌ى هه‌رێم".
ڕاشیگه‌یاند: "به‌و هیوایه‌ن كه دواى ریفراندۆم، كوردستان ببێت به ده‌وڵه‌ت و ئه‌و ده‌وڵه‌ته‌ش ببێته نمونه‌یه‌كى باشی دیموكراتى و ده‌ڵنیاشم شوێنى هه‌مووانى تێدا ده‌بێته‌وه".
كوردستان تیڤی/رفعت مزروى
کۆمێنت (0)
تا ئێستا هیچ کۆمێنتێک نەکراوە.