نێچیرڤان بارزانی وفرانك بێكه‌ر ، تێڕوانینی خۆیان له‌سه‌ر دۆخی ئه‌مڕۆی هه‌رێمی كوردستان و ئاماده‌كارییه‌كان بۆ دانیشتنی په‌رله‌مانی كوردستان و پرسی ڕیفراندۆم خسته ڕوو
سه‌رله‌به‌یانیی ئه‌مڕۆ چوارشه‌ممه 14/9/2017 به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، پێشوازی له فرانك بێكه‌ر باڵیۆزی به‌ریتانیا له عیراق و شاندێكی یاوه‌ری كرد.
له دیدارێكدا هه‌ردوولا تێڕوانینی خۆیان له‌سه‌ر دۆخی ئه‌مڕۆی هه‌رێمی كوردستان و ئاماده‌كارییه‌كان بۆ دانیشتنی په‌رله‌مانی كوردستان و پرسی ڕیفراندۆم خسته ڕوو
له ته‌ورێكی دیكه‌ی دیداره‌كه‌دا دوایین پێشهاته‌كانی شه‌ڕی دژی تیرۆرستان له عێراق و ناوچه‌كه‌دا و قۆناغی دوای داعش و دۆخی ناوچه ڕزگاركراوه‌كانی عیراق له ده‌ستی تیرۆر، خرانه به‌ر باس و گفتوگۆ و گه‌ڕانه‌وه‌ی ئاواره و په‌نابه‌ران بۆ سه‌ر زێدی خۆیان، دووپات كرده‌وه.
گفتوگۆكردنی په‌یوه‌ندییه‌كانی نێوان هه‌رێمی كوردستان و به‌غدا، لایه‌نێكی دیكه‌ی دیداره‌كه بوو و له‌مباره‌یه‌وه هه‌ردوولا جه‌ختیان لت پێویستی به‌رده‌وامیی دیالۆگ و گفتوگۆ بۆ چاره‌سه‌ركردنی سه‌رجه‌م كێشه‌كان، كرده‌وه.
كوردستانtv : ئا/رزگار تاهیر
کۆمێنت (0)
تا ئێستا هیچ کۆمێنتێک نەکراوە.