سه‌رنووسه‌ری رۆژنامه‌ی ئه‌لته‌ئاخی به‌نه‌خۆشییه‌کی کت و پڕ کۆچی دوایی کرد

ده‌زگای رۆشنبیری و راگه‌یاندنی پارتی دیموكراتی كوردستان، كۆچی دوایی نووسه‌رو رۆژنامه‌نووس ئه‌حمه‌د ناسر فه‌یلی سه‌رنووسه‌ری رۆژنامه‌ی ئه‌لته‌ئاخی راده‌گه‌یه‌نێت.

به‌داخ و په‌ژاره‌یه‌كی زۆره‌وه‌ هه‌واڵی كۆچی دوایی هه‌ڤاڵ و هاوكاری خۆشه‌ویستمان ئه‌حمه‌د ناسر فه‌یلی سه‌رنووسه‌ری رۆژنامه‌ی ئه‌لته‌ئاخی و كارگێڕی لقی پێنجی پارتیمان راده‌گه‌یه‌نین، كه‌ ئێواره‌ی رۆژی شه‌ممه‌16/9/2017، له‌كاتی قسه‌كردنیدا له‌ناو هۆڵی دیداری دیموكراسی و مافی چاره‌ی خۆنووسین) له‌ شاری سلێمانی به‌نه‌خۆشییه‌كی كت و پڕ كۆچی دوایی كرد.

به‌م بۆنه‌ دڵ هه‌ژێن و خه‌مناكه‌وه‌ ده‌زگای رۆشنبیری و راگه‌یاندنی پارتیمان پرسه‌ و سه‌ره‌خۆشی ئاراسته‌ی خانه‌واده‌ و كه‌سوكاری هه‌ڤاڵی خۆشه‌ویستمان و ته‌واوی هه‌ڤاڵ و هاوپیشه‌كانی ده‌كات و له‌خوای گه‌وره‌ ده‌پاڕێینه‌وه‌ به‌ به‌هه‌شتی به‌رینی شاد بكات.

كوردستان tv : ئا/ رزگار تاهیر