وه‌زیری دارایی هه‌رێم له بزووتنه‌وه‌ی گۆڕان رایده‌گه‌ێنێت، به‌هۆی پشتیوانی نه‌كردنی بزوتنه‌وه‌ی گۆڕان له ریفراندۆمی سه‌ربه‌خۆیی و به‌شداری نه‌كردن له كاراكردنه‌وه‌ی په‌رله‌مان ده‌ستی له كار كێشاوه‌ته‌وه .
رێباز حه‌ملان وه‌زیری دارایی هه‌رێم له سه‌ر لیستی بزووتنه‌وه‌ی گۆڕان رایگه‌یاند، به‌هۆی ئه‌وه‌ی بزووتنه‌وه‌ی گۆڕان پشتیوانی له ڕیفراندۆم نه‌كردووه و جڤاتی نیشتمانی كه‌وتوه‌ته ژێر كاریگه‌ریی هه‌ندێك كه‌سی نامه‌سئول ده‌ستی له بزووتنه‌وه‌ی گۆڕان كێشاوه‌ته‌وه.
وه‌زیره‌كه‌ی گۆڕان گووتیشی : ئێستا هه‌رێم به دۆخێكی ئاڵۆزی سیاسی و مێژوویدا تێده‌په‌ڕێت و له ژێر زه‌ختێكی ناوچه‌یی و نێوده‌وڵه‌تیدایه. له دوای راگه‌یاندنی پرسێكی گرنگی نیشتمانی و چاره‌نووسسازی وه‌ك ڕیفراندۆم بۆ سه‌ربه‌خۆیی و مافی چاره‌ی خۆنوسین، هه‌روه‌ها ده‌رگاكردنه‌وه به‌ڕووی پێكهێنانه‌وه‌ی لایه‌نه‌كان و لابردنی مه‌رجه‌كانی به‌رده‌م بزووتنه‌وه‌ی گۆڕان بۆ په‌رله‌مان و حكومه‌ت له پێناو یه‌كڕیزیی نیشتمانی دژی دوژمنانی گه‌له‌كه‌مان، به‌ڵام جڤاتی نیشتمانی به داخه‌وه بڕیاری بۆ نه‌درا و كه‌وته ژێر كاریگه‌ریی هه‌ندێكی كه‌سی نامه‌سئول یاخود كه‌سانێك كه خولیای موزایده و گه‌وره‌بوونی خۆیانن ، له كاتێكدا زۆرن ئه‌وانه‌ی له ناو گۆڕان هه‌مان بیركردنه‌وه‌ی منیان هه‌یه.
ده‌شڵێ : سه‌ره‌ڕای ئه‌وه‌ی گۆڕان دوو ساڵ بوو، داوای كاراكردنه‌وه‌ی په‌رله‌مانی به بێ مه‌رج ده‌كرد ، به‌ڵام كه كارا كرایه‌وه ئاماده نه‌بوو بێ مه‌رج به‌شداری بكه‌ن.
كوردستان تیڤی: ئا / رزگار تاهیر
کۆمێنت (0)
تا ئێستا هیچ کۆمێنتێک نەکراوە.