میر تەحسین بەگ: دخوازێن ھەموو ئێزدی بیژن بەڵی بۆ سەربەخۆیا کوردستانێ

میرێ ئێزدیان ئەڤرۆ 22/9/2017 رۆژا ئەینی دیارکرکو پێدڤیە ھەموو ئێزدی بەرەڤ سەندۆقێن دەنگدانی بچن وبیژن بەڵی بۆ سەربەخۆیا کوردستانێ.

میر تەحسین بەگ، میرێ ئێزدیان بۆ باسنیوز، دیارکر: "داخوازی ژ ھەموو ئێزدیان دکەن رۆژا 25/9/2017 بەرەڤ سەندۆقێن دەنگدانی بچن و ھەموو بیژن بەڵی بۆ سەربەخۆیا کوردستانێ بۆ وی یەکێ ئێزدی ژ مالوێرانیی رزگاربن".

دووڤدا میرێ ئێزدیان د پرێس کۆنفرانسەکێدا خۆیا ژی کر: "رێفراندۆم دێ چارەنڤیسی ئێزدیان دیارکەت وھەموو دەڤەرێن ئێزدیان دێ گەھنە ئێک پێدڤیە ھەموو ئێزدی بیژن بەڵی بۆ رێفراندۆمێ".

ل رۆژا 25/9/2017 دێ کوردێن ئێزدی چارەنڤیسی خوە ئێکلاکەن دێ ھێنە سەر ھەرێما کوردستانێ ڤە وھەتا نوکە ل ھەموو دەڤەرێن ئێزدیان ئاھەنگ و کەرنەڤاڵی پشتەڤانیا رێفراندۆمێ دھێنە رێڤەبرن.

كوردستان تیڤی/ رفعت مزورى