ئەندامێكی لیستی دەوڵەتی یاسا لەئەنجوومەنی نوێنەران رایگەیاند، ریفراندۆمی هەرێمی كوردستان گەیشتۆتە دوو ڕیانی كۆتایی.
(عەباس بەیاتی) ئەندامی لیستی دەوڵەتی یاسا لەئەنجوومەنی نوێنەران بۆ سۆمەرییە نیوز ووتی، كورد سوورە لەسەر پرۆسەی ریفراندۆم و قۆناغەكەش گەیشتۆتە دوو ڕیانی كۆتایی.
بەیاتی داواشی كرد كە پەنا ببرێتە بەر لێك تێگەیشتن و دیالۆگ و گفتوگۆ تاكو كێشەكان چارەسەر ببن.
ئەندامەكەی لیستی دەوڵەتی یاسا ووتیشی، ئەگەر بەغدا تێبینی و داواكاری لە حكومەتی هەرێم هەبێت، ئەوا بەهەمان شێوە هەولێریش تێبینی و داواكاری هەیە، بۆیە باشترین ڕێگە دانیشتنە لەسەر مێزی گفتوگۆ.
ناوبراو راشیگەیاند، ریفراندۆمی هەرێمی كوردستان گەیشتۆتە قۆناغی كۆتایی و كوردیش سوورە لەسەر ئەنجامدانی، بۆیە ئەو پێی وابوو گەڕانەوە بۆ مێزی گفتوگۆ باشترین بژاردەیە.
كوردستان تیڤی/ رفعت مزورى
کۆمێنت (0)
تا ئێستا هیچ کۆمێنتێک نەکراوە.