پۆلیسی هه‌ولێر رایده‌گه‌ێنێت،له كاتی به‌رێوه‌چوونی پرۆسه‌ی ریفراندۆم، هاتوچۆ و ژیانی ڕۆژانه‌ی هاووڵاتییان، وه‌كوو ڕۆژانی ئاسایی، به‌شێوه‌ی ئاسایی ده‌بێت.
پۆلیسی هه‌ولێر له په‌یجی فه‌رمیی خۆی له تۆڕی كۆمه‌ڵایه‌تیی فه‌یسبووكدا رایگه‌یاندووه: ئه‌و ئه‌فسه‌ر و كارمه‌ندانه‌ی له ڕۆژی ئه‌نجامدانی ڕیفراندۆمی سه‌ربه‌خۆیی كوردستان 25/9/2017، له ئه‌ركدان، ده‌توانن له شوێنی ئه‌ركه‌كه‌یان ده‌نگی خۆیان بده‌ن، بۆ ئه‌مه‌ش پێویسته ناسنامه‌یه‌كی باوه‌ڕپێكراوی وه‌ك: ناسنامه‌ی شارستانی، یان ناسنامه‌ی پۆلیسیان پێبێت.
هه‌روه‌ها پۆلیسی هه‌ولێر ده‌ڵێ: ئه‌و ئه‌فسه‌ر و كارمه‌ندانه‌ی یه‌ده‌گن، یان به‌هه‌ر هۆكارێك ئه‌ركیان پێنه‌سپێردراوه له‌م ڕۆژه‌دا، ده‌توانن له شوێنی ئاسایی خۆیان، واته شوێنی ده‌نگدانی خانه‌واده‌كه‌یان، ده‌نگی خۆیان بده‌ن.
ده‌شڵێ: له كاتی به‌رێوه‌چوونی پرۆسه‌ی ریفراندۆم، هاتوچۆ و ژیانی ڕۆژانه‌ی هاووڵاتییان، وه‌كوو ڕۆژانی ئاسایی، به‌شێوه‌ی ئاسایی ده‌بێت.
كوردستان تیڤی: رزگار تاهیر
کۆمێنت (0)
تا ئێستا هیچ کۆمێنتێک نەکراوە.