پارێزگاری كه‌ركوك رایده‌گه‌ێنێت، یه‌كه‌م هه‌نگاوی ده‌وڵه‌تی سه‌ربه‌خۆی كوردستان نرا و هیچ مه‌ترسییه‌كیش له‌سه‌رشاری كه‌ركووكدا نییه.
نه‌جمه‌دین كه‌ریم پارێزگاری كه‌ركوك رایگه‌یاند: ئه‌مرۆ رۆژێكه له ژیانی هه‌موومان بیرمان ده‌مێنێته‌وه و ده‌بێت بۆ نه‌وه‌كانمانی باس بكه‌ین، كه یه‌كه‌م هه‌نگاوی ده‌وڵه‌تی سه‌ربه‌خۆی كوردستان نرا.
پارێزگاری كه‌ركووك گوتی: له پێناو كوردستانی ئازاد و سه‌ربه‌خۆ، داوای له سه‌ر‌جه‌م خه‌ڵكی پارێزگاكه و كوردستان كرد به‌شداریی پرۆسه‌كه بكه‌ن.
هه‌روه‌ها گوتی: سبه‌ینێ ده‌وام ده‌ستپێده‌كاته‌وه‌و ده‌چینه قۆناغێكی نوێ و له‌گه‌ڵ لایه‌نه‌كان ده‌ست به گفتوگۆ ده‌كه‌ینه‌وه بۆ ئه‌وه‌ی ژیانێكی ئارام و به‌خته‌وه‌ر بۆ هه‌موو پێكهاته‌كان دابین بكه‌ین.
ده‌شڵێ: كه‌ركووك ئارامه و خه‌ڵكی كه‌ركووك له ئارامیدان و هیچ مه‌ترسییه‌ك نییه.
پێش نیوه‌رۆی ئه‌مرۆ، نه‌جمه‌دین كه‌ریم پارێزگاری كه‌ركووك، له‌گه‌ڵ هاوژینه‌كه‌یدا ، له بنكه‌یه‌كی ده‌نگدانی شاری كه‌ركووك، به‌شداریی پرۆسه‌ی ده‌نگدانی ریفراندۆمی سه‌ربه‌خۆیی كوردستانیان كردو ده‌نگیان به‌سه‌ربه‌خۆیی كوردستان دا.
كوردستان تیڤی: رزگار تاهیر
کۆمێنت (0)
تا ئێستا هیچ کۆمێنتێک نەکراوە.