بەرپرسی کۆمەڵگەی سنووری نێودەوڵەتی حاجی ئۆمەران رایه‌گه‌یاند پەیوەندی نێوان ھەرێمی کوردستان و کۆماری ئیسلامی ئێران لە مەرزی نێودەوڵەتی حاجی ئۆمەران بەردەوامە، به‌ڵام بەھۆی کێشەیەکی تەکنیکی لە سیستمی ھاتووچۆی کامیۆنەکان راگیرابوو و كێشه‌كه چاره‌سه‌كراو ئێستا هاتووچۆ به‌رده‌وامه.
له‌مباره‌یه‌وه مەسعود ئەحمەد، بەرپرسی کۆمەڵگەی سنووری نێودەوڵەتی حاجی ئۆمەران لە لێدوانێکی تایبەتدا بۆ دەزگای سەتەلاییتی کوردستان رایگه‌یاند: پەیوەندی نێوان ھەرێمی کوردستان و کۆماری ئیسلامی ئێران لە مەرزی نێودەوڵەتی حاجی ئۆمەران بەردەوامە.
راشیگەیاند: بەھۆی کێشەیەکی تەکنیکی لە سیستمی ھاتووچۆی کامیۆنەکان چەند کاتژمێرێک چوونی ئۆتۆمبێلە بارھەڵگرەکانی ھەرێمی کوردستان بۆ ناو گومرگی تەمەرچین دواخرا، دوای چارەسەرکردنیش ئێستا بواری بازرگانی و ھاتووچۆی گەشتیاری لە مەرزی حاجی ئۆمەران ئاساییە و هاتووچۆ به‌رده‌وامی هه‌یه.
ده‌زگای سه‌ته‌لایتی كوردستان / سامان زاهیر
کۆمێنت (0)
تا ئێستا هیچ کۆمێنتێک نەکراوە.