سیاسه‌تمه‌دارێكی ئوردنی،رایده‌گه‌ێنێ، دابه‌شبوونی عێراق بۆ سێ ده‌وڵه‌تی كوردستان، سوننه و شیعه پێشبینی كراوه.
ساڵح قه‌لاب، نووسه‌ر و وه‌زیری پێشووتری راگه‌یاندنی ئوردن بۆ رۆژنامه‌ی شه‌رقولئه‌وسه‌ت نووسیویه‌تی: دابه‌شبوونی عێراق بۆ سێ ده‌وڵه‌تی كوردستان، سوننه و شیعه پێشبینی كراوه، كه ئه‌و پێشبینییه پێش رووخاندنی رژێمی به‌عسی عێراق له ئارادابووه.
هه‌روه‌ها ده‌نووسێت: گه‌لی كوردستان له عێراق زوڵم و سته‌می زۆری بینیوه و به‌هۆی بێ هیوابوونیان، رێگای سه‌ختی جیابوونه‌وه‌یان هه‌ڵبژاردووه.
ده‌شڵێ: ئه‌گه‌ر سنوورێك بۆ ده‌ستێوه‌ردان و هه‌ژموونی كۆماری ئیسلامیی ئێران له عێراق دانه‌نرێت، عه‌ره‌به سوننه‌كانیش هاوشێوه‌ی گه‌لی كوردستان داوای سه‌ربه‌خۆیی و جیابوونه‌وه له عێراق ده‌كه‌ن.
جه‌ختیشده‌كاته‌وه‌و ده‌ڵێ ، ئه‌گه‌ر هه‌ژموونی ئێران له‌سه‌ر عێراق به‌رده‌وام بێ، ئه‌وا فاتیحه له‌سه‌ر عێرق بخوێنن.
كوردستان تیڤی: رزگار تاهیر
کۆمێنت (0)
تا ئێستا هیچ کۆمێنتێک نەکراوە.