كۆمپانیاى لۆفتهانزاى ئه‌ڵمانى كه باوه‌ڕپێكراوێكى فڕۆكه‌وانى جیهانییه، گه‌شته‌كانى بۆ هه‌رێمى كوردستان و فڕۆكه‌خانه‌ى هه‌ولێر به‌رده‌وام ده‌بێت، كۆمپانیاى لۆفتهانزا بڵاوى كردووه‌ته‌وه،" ئاگادارى بڕیاره‌كانى به‌غداین سه‌باره‌ت به راگرتنى گه‌شته ئاسمانییه‌كان بۆ هه‌رێمى كوردستان به‌ڵام گه‌شته‌كانمان به‌رده‌وامه".
دواى كۆبوونه‌وه‌ى دوێنێى په‌رله‌مانى عێراقى و دانى چه‌ند بڕیارێك سه‌باره‌ت به راگرتنى گه‌شته‌كان بۆ هه‌رێمى كوردستان، ده‌نگۆى ئه‌وه بڵاو بووه‌ته‌وه به‌شێك له كۆمپانیاكانى فڕۆكه‌وانى گه‌شته‌كانیان بۆ هه‌رێمى كوردستان رابگرن.
كۆمپانیاى لۆفتهانزا، پێشتریش گه‌شتى به‌رده‌وامى بۆ هه‌لێر هه‌بووه و تاوه‌كو ئێستا گه‌شتى بۆ فڕۆكه‌خانه‌كانى عێراق نه‌كردووه، دواى بڕیاره‌كانى به‌غدا گه‌شته‌كانى به‌رده‌وام ده‌بێت و راشیانگه‌یاندووه" رۆژى شه‌ممه گه‌شتیان بۆ فڕۆكه‌خانه‌ى هه‌ولێر هه‌یه"، سه‌باره‌ت به بڕیاره‌كانى عێراقیش ئه‌و كۆمپانیایه نوسیویه‌تى "گفتوگۆ له‌گه‌ڵ حكومه‌تى عێراقى ده‌كه‌ین ".
ئارام كاكه‌خان
کۆمێنت (0)
تا ئێستا هیچ کۆمێنتێک نەکراوە.