وه‌زاره‌تی پێشمه‌رگه رایده‌گه‌ێنێت، هێزه‌كانی پێشمه‌رگه ئاگاداری هه‌موو جموجۆڵێكه‌و ده‌شزانێ له ناوچه‌كه‌دا چی ده‌گوزه‌رێ.
عه‌مید هه‌ڵگورد حیكمه‌ت، به‌ڕێوه‌به‌ری راگه‌یاندن و هۆشیاری نیشتمانی له وه‌زاره‌تی پێشمه‌رگه‌ی حكومه‌تی هه‌رێمی كوردستان ،به ماڵپه‌ری ده‌زگای سه‌ته‌لایتی كوردستانی رایگه‌یاند: هه‌ماهه‌نگی ته‌واو له نێوان هێزه‌كانی پێشمه‌رگه‌ی كوردستان و هێزه‌كانی هاوپه‌یماناندا هه‌یه ،به تایبه‌تی هێزه‌كانی ئه‌مریكا.
هه‌روه‌ها گوتی: هێزه‌كانی پێشمه‌رگه ئاگاداری هه‌موو جموجۆڵێكه‌و ده‌شزانی له ناوچه‌كه‌دا چی ده‌گوزه‌رێ و به ووردی چاودێری بارودۆخه‌كه ده‌كات.
ئه‌و به‌رپرسه‌ی وه‌زاره‌تی پێشمه‌رگه گوتیشی: هاوكارییه‌كانی هاوپه‌یمانی نێوده‌وڵه‌تی دژی داعش ، بۆ هێزه‌كانی پێشمه‌رگه ، هه‌روه‌كو خۆیه‌تی و هیچ گۆڕانكارییه‌كی تێدا نه‌كراوه.
كوردستان تیڤی: رزگار تاهیر
کۆمێنت (0)
تا ئێستا هیچ کۆمێنتێک نەکراوە.