پرۆسه‌ی ده‌نگدان بۆ سه‌ربه‌خۆیی له سه‌رتاسه‌ری كه‌ته‌لۆنیا ده‌ستیپێكرد وله هه‌ندێك شوێنیش گرژی و ئاڵۆزی له‌نێوان پۆلیسی ئیسپانیا و ده‌نگده‌ران دروستبوو.
ده‌نگدان له سه‌رتاسه‌ری كه‌ته‌لۆنیا ده‌ستیپێكردو پۆلیسی ئیسپانیاش هه‌وڵی رێگریكردن له پرۆسه‌كه و ده‌ستبه‌سه‌رداگرتنی كه‌لوپه‌له‌كان ده‌دات، له هه‌ندێك ناوچه‌ی كه‌ته‌لۆنیاش رێگری له دانانی سندووقه‌كانی ده‌نگدان كراو به‌و هۆیه‌وه گرژی و ئاڵۆزی دروست بوو.
چالاكڤانانی كه‌ته‌لۆنیا، داوا له خه‌ڵك ده‌كه‌ن سارد نه‌بنه‌وه و روو له سندوقه‌كانی ده‌نگ بدكه‌ن.
وه‌زاره‌تی ناوخۆی ئیسپانیا، سه‌ر له‌به‌یانی ئه‌مرۆ بڵاوی كرده‌وه كه رێگه به ئه‌نجامدانی ریفراندۆمی نایاسایی سه‌ربه‌خۆیی له هه‌رێمی كه‌ته‌لۆنیا ناده‌ن و ده‌ستیان به سه‌ر سندوق و كارته‌كانی ده‌نگداندا كردووه.
هه‌روه‌ها پۆلیسی ئیسپانی، له چه‌ند شوێنێك رێگه‌ی به ئه‌نجامدانی ریفراندۆمی سه‌ربه‌خۆیی له كه‌ته‌لۆنیا نه‌داوه‌و هه‌ڵیكوتاوه‌ته سه‌ر ژماره‌یه‌ك ناوه‌ندی ده‌نگدان.
كوردستان تیڤی: رزگار تاهیر
کۆمێنت (0)
تا ئێستا هیچ کۆمێنتێک نەکراوە.