روانگه‌ی مافی مرۆڤی سووریا كه بنكه سه‌ره‌كییه‌كه‌ی له لۆندرایه، ئاشكرای كردووه مانگی ئه‌یلوولی رابردوو خوێناویترین مانگی ساڵی 2017 بووه و 995 هاووڵاتی سڤیل كوژراون.
روانگه‌ی مافی مرۆڤی سووریا كه به نزیك له ئۆپۆزسیۆنی سووریا ناسراوه، ئاشكرای كرد ته‌نیا له مانگی ئه‌یلوولدا 3 هه‌زار و 300 كه‌س له سووریا كوژراون و له‌و رێژه‌یه‌ش 995ی هاووڵاتی سڤیل بوون.
هه‌ر له راپۆرته‌كه‌دا هاتووه، هۆكاری كوشتنی هاووڵاتی سڤیل بۆردومانكردنی فڕۆكه جه‌نگییه‌كانی رووسیا و هاوپه‌یمانان بووه و گروپی تیرۆریستی داعشیش رۆڵێكی سه‌ره‌كی هه‌بووە.
روانگه‌ی مافی مرۆڤی سووریا، باسی له‌وه‌ش كردووه كه له‌و رێژه‌یه‌دا 207 كوژراو منداڵ بوونه و مانگی ئه‌یلوول له ساڵی 2017ـدا به خوێناویترین مانگ ناوزه‌ند كرد.
روانگه‌ی مافی مرۆڤی سووریا ئەوەشی بڵاو كردووه‌ته‌وه له‌وه‌ته‌ی شه‌ڕی ناوه‌خۆ له سووریا سه‌ری هه‌ڵداوه، 300 هه‌زار هاووڵاتی سڤیل كوژراوه و به ملیۆنانیش ئاواره‌ی وڵاتان بوونه.
كوردستان تیڤی/ رفعت مزورى
کۆمێنت (0)
تا ئێستا هیچ کۆمێنتێک نەکراوە.