گوته‌بێژی حكوومه‌تی هه‌رێمی كوردستان،رایده‌گه‌ێێنت، یه‌ك هه‌فته ماته‌مینی گشتی راگه‌یه‌ندراوه، به‌ڵام ده‌وامی داموده‌زگاكانی حكوومه‌ت ئاساییه.
سه‌فین دزه‌یی، گوته‌بێژی حكوومه‌تی هه‌رێمی كوردستان ، رایگه‌یاند: به‌بۆنه‌ی كۆچی دوایی سكرتێری گشتی یه‌كێتیی نیشتمانی كوردستان، مام جه‌لال، هه‌فته‌یه‌ك ماته‌مینی گشتی راگه‌یه‌ندراوه، به‌ڵام ده‌وامی داموده‌زگاكانی حكوومه‌ت ئاساییه.
ئێواره‌ی دوێنێ ، مام جه‌لال تاڵه‌بانی، سه‌ركۆماری پێشووی عێراق و سكرتێری گشتی یه‌كێتی ، دوای ململانێیه‌كی سه‌خت له‌گه‌ڵ نه‌خۆشی، له ته‌مه‌نی ٨٤ ساڵیدا له یه‌كێك له نه‌خۆشخانه‌كانی وڵاتی ئه‌ڵمانیا كۆچی دوایی كرد.
مه‌سعود بارزانی، سه‌رۆكی هه‌رێمی كوردستان، له په‌یامێكدا وێڕای پرسه و سه‌ره‌خۆشی بۆ كۆچی دوایی تاڵه‌بانی، به‌م بۆنه‌یه‌وه یه‌ك هه‌فته ماته‌مینی گشتی له‌سه‌رتاسه‌ری كوردستان راگه‌یاند.
كوردستان تیڤی: رزگار تاهیر
کۆمێنت (0)
تا ئێستا هیچ کۆمێنتێک نەکراوە.