دادگای ئاسایشی نیشتمانی ئه‌بوزه‌بی ،به تۆمه‌تی گۆڕینه‌وه‌ی زانیاری و هه‌وڵدان بۆ هاورده‌كردنی كه‌ل و په‌لی تایبه‌ت به بواری پڕۆگرامی ئه‌تۆمی، سزای 10 ساڵ زیندانی به سه‌ر هاووڵاتییه‌كی ئێرانی دا سه‌پاند.
ئاژانسی هه‌واڵی ئیمارات بڵاویكرده‌وه : تۆمه‌تبار،بێ ئه‌وه‌ی ناوه‌كه‌ی ئاشكرا بكات،له‌سه‌ری پێویسته خه‌رجییه‌كان دادگایی كردنه‌كه له ئه‌ستۆ بگرێت و دوای ته‌واو بوونی سزاكه‌شی له ئیمارات ده‌رده‌كرێ.
ئاژانسه ئیماراتییه‌كه راشیگه‌یاندووه: ئه‌م هاووڵاتییه ئێرانییه، تۆمه‌تباره به‌وه‌ی زانیاری داوه‌ته حكومه‌تی ئێران و هه‌وڵیشی داوه له وڵاتی بریتانیا، چه‌ند كه‌ل و په‌لێكی تایبه‌ت به پرۆگرامی ئه‌تۆمی، له رێگای ئیماراته‌وه به شێوه‌یه‌كی نایاسایی هاورده‌ی ئێران بكات.
كوردستان تیڤی: رزگار تاهیر
کۆمێنت (0)
تا ئێستا هیچ کۆمێنتێک نەکراوە.