مەسرور بارزانی راوێژکاری ئەنجوومەنی ئاسایشی هەرێمی کوردستان پێشوازیی لە جەنەرال رۆبرت وایت فەرماندەی گشتیی هێزەکانی هاوپەیمانان لە عێراق و شاندی یاوەری کرد.
لە دانیشتنێکدا دوا ڕەوشی سیاسی و سەربازی ناوچەکە و مانۆرە سەربازییەکانی وڵاتانی درواسێ لە سەر سنوورەکانی هەرێم، هەروەها جەنگی دژی تیرۆریستان تاووتوێ کرا و لە لایەن راوێژکاری ئەنجوومەنی ئاسایشی هەرێمەوە، هەڵوێستی نەگۆڕی هەرێمی کوردستان لە بەشداریی کارا لە هاوپەیمانیی نێودەوڵەتیی دژ بە تیرۆر، دووپات کرایەوە.
هەر لەم دانیشتنەدا هەدوولا چۆنیەتی فراوانکردنی هاوکارییە ئەمنی و سەربازییەکانیان تاووتوێ کرد. لە لایەن خۆشیەوە فەرماندەی هێزی هاوپەیمانان وێڕای بەرز نرخاندنی قارەمانی و قوربانییەکانی هێزی پێشمەرگە لە جەنگی دژ بە تیرۆر، ئامادەیی هێزی هاوپەیمانانی لە فراوانکردنی هاوکاری و هەماهەنگی و هەروەها راهێنانی زیاتر بە هێزی پێشمەرگە دووپات کردەوە.
كوردستان تیڤی/ رفعت مزورى
کۆمێنت (0)
تا ئێستا هیچ کۆمێنتێک نەکراوە.