هێزه‌كانی عێراق، به كۆنتڕۆڵكردنه‌وه‌ی گه‌ڕه‌كه‌كانی ناوه‌ڕاستی حه‌ویجه، كۆنتڕۆڵكردنی ته‌واوه‌تی قه‌زاكه‌یان راگه‌یاندو له ماوه‌ی ده‌ستپێكردنی پرۆسه‌كه‌ش، نزیكه‌ی 100 گوندی قه‌زاكه كۆنتڕۆڵكراونه‌ته‌و و زیاتر له 400 چه‌كداری داعش-یش كوژراون.
لەئۆپەراسیۆنی کۆنتڕۆڵکردنەوەی قەزای حەویجەدا، کە 21ی مانگی رابردوو دەستیپێکرد، 42 ھەزار سەربازی سوپای عێراق و چەکداری گروپەکانی دیکە تێیدا بەشداربوون و ئامانج لە ئۆپەراسیۆنەکەش کۆنتڕۆڵکردنەوەی 4081 کیلۆمەتر دووجای خاکی حەویجە بوو .
هه‌روه‌ها له کۆتایی مانگی رابردوودا حەیدەر عەبادی، سەرۆک وەزیرانی عێراق دەستپێکردنی قۆناغی دووەمی ئۆپەراسیۆنی کۆنتڕۆڵکردنەوەی حەویجەى راگەیاند.
تێزانین قەزای حەویجە و چەند ناحیەیەکی دەوروبەری کە لەسەدا 32ی پارێزگای کەرکووک پێکدەھێنن، لەمانگی حەوتی ساڵی 2014وە کەوتوونەتە ژێر دەستی تیرۆریستانى داعش.
له‌م چوارچێوه‌یه‌دا، عه‌مید سه‌رحه‌د قادر، به‌ڕێوه‌به‌ری پۆلیس و قه‌زا و ناحییه‌كانی كه‌ركووك رایگه‌یاند، ژماره‌یه‌كی یه‌كجار زۆر ئاواره‌ی حه‌ویجه، هاتوونه‌ته ناوچه‌كانی ژێر ده‌سه‌ڵاتی پێشمه‌رگه‌و ژماره‌یه‌كی زۆری چه‌كدارانیش خۆیان راده‌ستی پێشمه‌رگه كردووه.
كوردستان تیڤی/ رفعت مزورى
کۆمێنت (0)
تا ئێستا هیچ کۆمێنتێک نەکراوە.