ئه‌مرۆ شه‌ممه 10 گۆڕی به كۆمه‌ڵ له قه‌زای حه‌ویجه‌ی سه‌ربه پارێزگای كه‌ركووك دۆزرانه‌وه .
هێزێكی هاوبه‌ش له پۆلیسی عێراق و حه‌شد شه‌عبی، 10 گۆڕی به كۆمه‌ڵیان له ناوه‌ندی قه‌زای حه‌ویجه‌ی باشوری خۆرئاوای پارێزگای كه‌ركوك دۆزییه‌وه، كه روفاتی ژماره‌یه‌ك كه‌سی مه‌ده‌نی و سه‌رباز و پۆلیسی تێیدابوون، كه پێشتر له‌سه‌رده‌ستی تیرۆریستانی داعش كوژراون.
له‌م باره‌وه سه‌رچاوه‌یه‌كى پۆلیس رایگه‌یاند كه لایه‌نه په‌یوه‌ندیداره‌كان له باره‌ی گۆڕه به كۆمه‌ڵه‌كان ئاگاداركراونه‌ته‌وه، بۆئه‌وه‌ی روفاته‌كان ده‌ربهێنن و دوای ناسینه‌وه‌یان، راده‌ستی كه‌سوكاریان بكرێنه‌وه.
كاتێك تیرۆریستانى داعش قه‌زای حه‌ویجه‌یان كۆنتڕۆڵ كردبوو، به تۆمه‌تی هاوكاری و یارمه‌تی دانى هێزه ئه‌منییه‌كانی عیراق، ژماره‌یه‌كی زۆری خه‌لكى مه‌ده‌نی و سه‌ربازى و پۆلیس گوللـه‌باران كردبوو.
تێزانین لە دوو ڕۆژی ڕابردوودا ناوەندی شارۆكەی حەویجە لەلایەن سووپای عێراق به ته‌واوى ئازاد كرا.
كوردستان تیڤی/ رفعت مزورى
کۆمێنت (0)
تا ئێستا هیچ کۆمێنتێک نەکراوە.