گوتەبێژی وەزارەتی گواستنەوە و گەیاندنى هه‌رێمى كوردستان رایگه‌یاند" لەسەر ئاستی ئەنجومەنی وەزیران هەوڵی جیدی هەیە بۆ ئەوەی گرفتی ڕاگرتنی گەشتەکانی فڕۆکەخانەکانی کوردستان چارەسەر بکرێت.
ئومێد ساڵح، گوتەبێژی وەزارەتی گواستنەوە و گەیاندن، رایگه‌یاند: "تا ئێستا هیچ بڕیارێکمان بۆ نەهاتووە کە فڕۆکەخانەی هەولێر و سلێمانی بکرێتەوە، بەڵام لەسەر ئاستی ئەنجومەنی وەزیران و سەرۆکی حکوومەتی هەرێمی کوردستان هەوڵەکان لەگەڵ بەغدا و سەرجەم لایەنەکان بۆ کردنەوەی فرۆکەخانەکان بەردەوامن".
گوتەبێژی وەزارەتی گواستنەوەو گەیاندن بۆ باسنیوز ئاشکرا کرد" داخستن و ڕاگرتنی گەشتی فڕۆکەخانەکانی کوردستان لە بەرژەوەندیی کەسدا نییە، بۆیە چاوەڕوانی ئەوەین بەغدا ئەو بڕیارە لاببات و هێڵەکان دیسان بکرێنەوە بەڕووی هاووڵاتیانی هەرێمی کوردستاندا".
لە کۆتاییدا ئەوەشی خستە ڕوو" لەمبارەوە هەوڵەکان بەردەوامن و چاوەڕوانیی بڕیاری وەزارەتی گواستنەوە و گەیاندنی بەغداین کە لەوێوە فەرمان دەربچێت بۆ چارەسەریی ئەو گرفتە".
كوردستان تیڤی/ رفعت مزورى
کۆمێنت (0)
تا ئێستا هیچ کۆمێنتێک نەکراوە.