سەرچاوەیەكی ناوەخۆیی لە شه‌رگات ئاشكرای دەكات كۆمەڵە چەكدارێكی نەناسراو كە گومان دەكرێ سەر بە حەشدی شەعبی بن، هەڵساون بە سوتاندنی ماڵی خەڵكی سڤیل لە گوندەكانی لای چەپی شه‌رگات.
ئەمڕۆ دووشەممە چەندین ماڵی خەڵكانی سڤیل لە گوندەكانی بەری چەپی شه‌رگات سوتێندراون، ئەمەش دوای ئەوەی شمەكەكانی نێو ئەم ماڵانەیان تاڵان كردووە.
سەرچاوەكە سەرەتای ڕووداوەكان بۆ هەفتەی رابردوو دەگێڕێنێتەوە، لەو كاتەی هێزەكانی ڕێكخراوی تیرۆریستی داعش دەركرابوون، ماڵەكانیان سوتاندبوون، بەڵام ئێستا دەست كراوە بە تاڵانكردن و سوتاندنی ماڵی خەڵكی سڤیلیش، بەتایبەتیش ماڵی ئاوارەكان.
لە گوندی سەلمان ماڵی خەڵكی ناسراو و كەسایەتی عەشایەری تاڵان كراوە و سوتێندراوە، لەنێویشیاندا ماڵی لیوا روكن مەعدی ساڵح شەكتی و نایف ساڵح شەكتی.
بەهۆی سوتاندنی ماڵەكانەوە خەڵكێكی زۆری ناوچەكە لە گەڕانەوە بۆ زێدی خۆیان پاشگەز بوونەتەوە.
له‌باره‌یه‌وه سه‌چاوه‌یه‌ك له شاری موسڵیش رایگه‌یاند له كاتی كۆنترۆڵ كردنه‌وه‌ی شاری موسڵ چه‌كداره‌كان زۆربه‌ی شوێنه‌كانیان به تاڵان بردو دوای به تاڵانبردنیش شوێنه‌كانیان ده‌سوتاند.
کۆمێنت (0)
تا ئێستا هیچ کۆمێنتێک نەکراوە.