ئه‌مڕۆ دووشه‌ممه، فیفا له پێگه‌ی فه‌رمی خۆی، 3 یاریزانی بۆ وه‌رگرتنی خه‌ڵاتی پوشكاش راگه‌یاند.
ئۆلیڤەر جیرۆد هێرشبەری فەرەنسی ئارسێناڵی ئینگلاند، ئێسکارین ماسولوکێ گۆڵپارێزی ئێف سی باروکای گینیا و دینا کاستیانۆسی خانمە یاریزانی هەڵبژاردەی ڤێنزویلا به فه‌رمی ململانێی بردنه‌وه‌ی خه‌ڵاتی جوانترین گۆڵی ساڵی رابردوو ده‌كه‌ن.
ئەم سێ یاریزانە دوای بەدەستهێنانی زۆرترین دەنگ ناویان لە لیستی کۆتایی هاتووە و لە ئەمرۆ بە دواوەش هاندەران دەتوانن خاوەنی جوانترین گۆڵ دەست نیشان بکەن و لە رێکەوتی 23ـی ئەم مانگە براوەی جوانترین گۆڵ دیاری دەکرێت.
فیفا له كۆتایی 2016 ناوی 10 یاریزانی بۆ وه‌رگرتنی خه‌ڵاتی پوشكاش به‌ربژێر كرد، كه تێیدا گۆڵی لیۆنێل مێسی به‌رامبه‌ر ئه‌مریكا و گۆڵی نێیمار به‌رامبه‌ر ڤیاریال له لیسته‌كه‌دا هه‌بوو، به‌ڵام ئه‌مڕۆ فیفا ژماره‌ی یاریزانه‌كانی كه‌م كرده‌وه و گۆڵی ئه‌و دوو یاریزانه فڕێدرانه ده‌ره‌وه.
كوردستان تیڤی/ رفعت مزورى
کۆمێنت (0)
تا ئێستا هیچ کۆمێنتێک نەکراوە.